യുറേനിയം സമ്പുഷ്ടീകരണം തുടരും, ഇറാന് ആണവായുധങ്ങൾ വികസിപ്പിക്കാൻ ഉദ്ദേശ്യമില്ല; മസൂദ് പെസഷ്കിയാന്‍

JUNE 16, 2025, 2:53 AM

ടെഹ്‌റാൻ: ഇറാന്‍ ആണവായുധങ്ങൾ വികസിപ്പിക്കാൻ ഉദ്ദേശ്യമില്ലെന്ന് ഇറാൻ-ഇസ്രായേൽ സംഘർഷത്തെക്കുറിച്ച് പാർലമെന്റിൽ നടത്തിയ പ്രസംഗത്തിൽ പ്രസിഡന്റ് മസൂദ് പെസഷ്കിയാന്‍ പറഞ്ഞു.

"ഞങ്ങൾക്ക് ആണവായുധങ്ങൾ വേണ്ട. ഇറാൻ അത്തരം ആയുധങ്ങൾ വികസിപ്പിക്കരുതെന്ന് പാശ്ചാത്യ രാജ്യങ്ങൾ പറയുന്നു. എന്നാൽ ഈ ആയുധങ്ങൾ വികസിപ്പിക്കാൻ ഞങ്ങൾക്ക് ഉദ്ദേശ്യമില്ല," മസൂദ് പെസഷ്കിയാന്‍ പറഞ്ഞു.

"കൊന്നും പ്രഹരിച്ചു നമ്മളെയും നമ്മുടെ രാജ്യത്തെയും ചിത്രത്തില്‍ നിന്ന് നീക്കം ചെയ്യാന്‍ ശത്രുക്കള്‍ക്കാകില്ല. കാരണം ഓരോ നായകന്റെ കൊടി താഴെ വീഴുമ്പോഴും പകരം ആ പതാക ഏറ്റെടുത്ത് ഈ ഭീരുക്കളുടെ ക്രൂരതയും അനീതിയും ചതിയും എതിർക്കാന്‍ നൂറുകണക്കിന് നായകർ വരും," പെസഷ്കിയാന്‍ പറഞ്ഞു.

ഇറാന്‍ ആണവായുധങ്ങള്‍ തേടുന്നില്ല. ഇറാന്‍ അത്തരം ആയുധങ്ങള്‍ നേടരുതെന്നാണ് പടിഞ്ഞാറന്‍ രാജ്യങ്ങള്‍ പറയുന്നത്. ഈ ആയുധങ്ങള്‍ നേടാന്‍ ഇറാന് ഉദ്ദേശ്യമില്ലെന്നും മസൂദ് പെസഷ്കിയാന്‍ കൂട്ടിച്ചേർത്തു.

ഊർജ ആവശ്യങ്ങൾക്കായി രാജ്യം യുറേനിയം സമ്പുഷ്ടീകരണം തുടരും. ഇറാനികൾ 'ആക്രമണകാരികളല്ല' എന്ന് പറഞ്ഞ പെസഷ്കിയാന്‍, തന്റെ സർക്കാർ യുഎസുമായി ആണവ പദ്ധതിയെക്കുറിച്ച് ചർച്ചകൾ നടത്തിവരികയാണെന്നും ചൂണ്ടിക്കാട്ടി.