തിരുവനന്തപുരം: സേവന മികവും പ്രതിബദ്ധതയും മുന്നിര്ത്തി നല്കുന്ന 2026 ലെ മുഖ്യമന്ത്രിയുടെ പോലീസ് മെഡലുകള് പ്രഖ്യാപിച്ചു. വിവിധ റാങ്കുകളിലുള്ള 281 പോലീസ് ഉദ്യോഗസ്ഥരാണ് ഇത്തവണ അര്ഹരായത്. സംസ്ഥാന പോലീസ് മേധാവിയുടെയും സംസ്ഥാനതല സ്ക്രീനിങ് സമിതിയുടെയും ശുപാര്ശകള് കൃത്യമായി പരിഗണിച്ചാണ് മെഡല് ജേതാക്കളുടെ പട്ടിക തയ്യാറാക്കിയത്.
അസിസ്റ്റന്റ് പോലീസ് കമ്മിഷണര്, ഇന്സ്പെക്ടര്, സബ് ഇന്സ്പെക്ടര്, അസിസ്റ്റന്റ് സബ് ഇന്സ്പെക്ടര്, സീനിയര് സിവില് പോലീസ് ഓഫീസര്, സിവില് പോലീസ് ഓഫീസര്, വനിതാ പോലീസ് ഉദ്യോഗസ്ഥര് തുടങ്ങി പോലീസ് സേനയുടെ വിവിധ തലങ്ങളില് പ്രവര്ത്തിക്കുന്നവര് അവാര്ഡ് പട്ടികയില് ഇടംപിടിച്ചിട്ടുണ്ട്. പതിവിനു വിപരീതമായി അവാര്ഡ് പ്രഖ്യാപനം രാത്രി വൈകി മാത്രമാണ് പുറത്തുവന്നത്.
സ്വാതന്ത്ര്യദിനത്തിന്റെ തലേദിവസം നടത്തേണ്ട പ്രധാനപ്പെട്ട ഈ പ്രഖ്യാപനം നീണ്ടുപോയത് വലിയ വാര്ത്താപ്രാധാന്യം നേടിയിരുന്നു. ജനുവരിയില് തന്നെ ഡി.ജി.പിയുടെ ഓഫീസില് നിന്നും അര്ഹരായവരുടെ പട്ടിക കൈമാറിയിരുന്നെങ്കിലും ആഭ്യന്തരവകുപ്പില് പരിശോധന പൂര്ത്തിയാക്കാത്തതാണ് വൈകാന് കാരണമെന്ന് ആരോപണമുയര്ന്നു. ഉദ്യോഗസ്ഥരുടെ ഭാഗത്തുനിന്നുണ്ടായ വീഴ്ചയാണ് ഇതിന് പിന്നിലെന്ന തരത്തിലുള്ള വിമര്ശനങ്ങളും സജീവമായിരുന്നു.
അതേസമയം വിഷയം ശ്രദ്ധയില്പ്പെട്ടതോടെ ആഭ്യന്തര മന്ത്രി രമേശ് ചെന്നിത്തല നേരിട്ട് ഇടപെടുകയും നടപടികള് വേഗത്തിലാക്കാന് അടിയന്തര നിര്ദേശം നല്കുകയുമായിരുന്നു. രാവിലെ തന്നെ പ്രഖ്യാപനം നടത്തേണ്ടതില്ലെന്നും എന്നാല് അന്നുതന്നെ അവാര്ഡുകള് പ്രഖ്യാപിക്കുമെന്നും അദ്ദേഹം വ്യക്തമാക്കിയിരുന്നു. ആഭ്യന്തര മന്ത്രിയുടെ കര്ശന ഇടപെടലിനെത്തുടര്ന്ന് വേഗത്തില് നടപടികള് പൂര്ത്തിയാക്കുകയും രാത്രിയോടെ മെഡല് പട്ടിക ഔദ്യോഗികമായി പുറത്തുവിടുകയുമായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260814094100.jpg)
