കൊച്ചി: അതിതീവ്ര മഴ പെയ്യുമെന്ന കാലാവസ്ഥാ വകുപ്പിന്റെ പ്രവചനത്തെ തുടര്ന്ന് എറണാകുളം, തൃശ്ശൂര് ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര്മാര് അവധി പ്രഖ്യാപിച്ചു. വിദ്യാര്ത്ഥികളുടെ സുരക്ഷ മുന്നിര്ത്തി മുന്കരുതല് നടപടിയായാണ് നടപടി.
എറണാകുളം ജില്ലയില് പുലര്ച്ചെ നാലിന് കാലാവസ്ഥാ വകുപ്പ് റെഡ് അലര്ട്ട് പ്രഖ്യാപിച്ച സാഹചര്യത്തിലാണ് കളക്ടറുടെ അടിയന്തര ഉത്തരവ് വന്നത്. പ്രൊഫഷണല് കോളേജുകള്, അങ്കണവാടികള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇവിടെ അവധി ബാധകമാണ്.
തൃശ്ശൂര് ജില്ലയില് രാത്രി മുതല് ശക്തമായ മഴ തുടരുന്ന സാഹചര്യത്തിലാണ് ദുരന്ത സാധ്യത ഒഴിവാക്കാന് അവധി പ്രഖ്യാപിച്ചത്. ജില്ലയിലെ അങ്കണവാടികള്, ട്യൂഷന് സെന്ററുകള്, മദ്രസകള്, നഴ്സറികള്, കേന്ദ്രീയ വിദ്യാലയങ്ങള്, സി.ബി.എസ്.ഇ, ഐ.സി.എസ്.ഇ സ്കൂളുകള്, പ്രൊഫഷണല് കോളേജുകള് തുടങ്ങി എല്ലാ സ്ഥാപനങ്ങള്ക്കും അവധി ആയിരിക്കുമെന്ന് ജില്ലാ കളക്ടര് അറിയിച്ചു.
അതേസമയം, മുന്കൂട്ടി നിശ്ചയിച്ച പരീക്ഷകള്ക്കും ഇന്റര്വ്യൂകള്ക്കും മാറ്റമുണ്ടായിരിക്കുന്നതല്ല. അവധി മൂലം നഷ്ടപ്പെടുന്ന പഠന സമയം പിന്നീട് ക്രമീകരിക്കുന്നതിന് ആവശ്യമായ നടപടികള് സ്വീകരിക്കാന് വിദ്യാഭ്യാസ സ്ഥാപന മേധാവികള്ക്ക് കളക്ടര് നിര്ദേശം നല്കിയിട്ടുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260728095415.jpg)
-20201011060835.jpg)
-20260418093611.jpg)
